സ്വാമി ജ്യോതിര്‍മയ 25ന് ഞായറാഴ്ച പാലക്കാട്ട്
പാലക്കാട്: ആര്‍ട്ട് ഓഫ് ലിവിങ് ആചാര്യന്‍ ശ്രീശ്രീ രവിശങ്കറിന്റെ ശിഷ്യന്‍ സ്വാമി ജ്യോതിര്‍മയ 25ന് പാലക്കാട്ടെത്തും. ഞായറാഴ്ച മുനിസിപ്പല്‍ ടൗണ്‍ഹാള്‍ അനക്‌സില്‍ നടക്കുന്ന ഗുരുപൂര്‍ണിമ അനുഗ്രഹോത്സവത്തില്‍ സ്വാമി ജ്യോതിര്‍മയ നേതൃത്വം നല്‍കും.
അനുഗ്രഹോത്സവത്തിലേക്കുള്ള പ്രവേശനം സൗജന്യമാണെന്ന് പ്രോഗ്രാം ജില്ലാ കോ-ഓര്‍ഡിനേറ്റര്‍ ഹരി, ചെയര്‍മാന്‍ ശശികുമാര്‍, ആര്‍ട്ട് ഓഫ് ലിവിങ് കേരള അപ്പെക്‌സ് ബോഡി അംഗം അഡ്വ.എസ്. ശാന്താദേവി എന്നിവര്‍ പത്രസമ്മേളനത്തില്‍ പറഞ്ഞു. 25ന് രാവിലെ 7ന് ഗുരുപൂജയോടെ ചടങ്ങുകള്‍ തുടങ്ങും. തുടര്‍ന്ന് അനുഗ്രഹോത്സവത്തിന്റെ ഉദ്ഘാടനം നഗരസഭാധ്യക്ഷ വി. ദേവയാനി നിര്‍വഹിക്കും.
ശ്രീശ്രീ ബ്ലഡ് ഡോണേഴ്‌സ് ഫോറം ഉദ്ഘാടനവും നടക്കും. അനുഗ്രഹോത്സവത്തില്‍ സ്വാമി ജ്യോതിര്‍മയ സന്ദര്‍ശകര്‍ക്ക് ദര്‍ശനം നല്‍കുമെന്നും ഭാരവാഹികള്‍ അറിയിച്ചു.
മാതൃഭുമി Posted on: 24 Jul 2010
No comments:
Post a Comment